ఎన్నో దూరాలను దాటి
తీరాన్ని చేరిందో పక్షి
ఇసుక తిమ్మెలను తెచ్చి
వాకిట్లో అందమైన కోటను కడదామని ..
నిలకడ లేని కోట ఎంత వాలినా
పట్టుదలతో నిలబెట్టాలనుకుంది
దాంట్లో తడి లేదు, పటుత్వం లేదు
నిలబడాలనే కసి లేదు
అయినా దాని ఓపిక చావలేదు
అది కడుతూనే ఉంది
కోట వాలుతూనే ఉంది
పక్షి మొండితనానికి లొంగిందో
దాని మూర్ఖత్వానికి నవ్విందో
చివరకు కోట నిటారుగా నిలవగలిగింది!
అంతలోనే జోరు వాన
కళ్ళముందే కట్టుకున్న కోటను
ఇసుకతో సహా తీసుకుపోయింది!
అయినా వానజోరు తగ్గలేదు
బహుశా పక్షి కన్నీటిని
కడగాలని కాబోలు..
దానికి తెలవదనుకుంటా ..
పక్షి కన్నీరెప్పుడో
గుండెలోనే ఆవిరయ్యిందని
దానికి కనువిప్పే కాని
కన్నీరు తెలవదని!
ఇసుక తిరిగి తీరాన్ని చేరింది
అస్తిత్వం కోల్పోతూ !
పక్షి కొత్త ఆశలతో నింగికెగసింది
వ్యక్తిత్వం వికసిస్తూ
స్థాయిలెపుడో నిర్ణయించబడతాయ్
ప్రయత్నాలే చేయగలిగింది
ప్రయత్నించి ఓడిపో !
ప్రయత్నం చేయడంలో కాదు!!
ఇది తెలిస్తే ప్రశాంతం
మరి మరిస్తే మహాప్రళయం !!
15-09-2010/03:00 AM
No comments:
Post a Comment